Sæþór berg sturlusson

Hver er sæþór?

Ég heiti Sæþór, er 30 ára frá Patreksfirði en uppalinn á Reykjanesinu. Ég hef verið í íþróttum frá unga aldri og keppnisskapið hefur alltaf verið til staðar. 

Ég æfði júdó í 12 ár, náði brúnu belti og hef bæði keppt og þjálfað. Samhliða því var ég alltaf í lyftingum og líkamsrækt – það var aldrei spurning, þetta var bara hluti af rútínunni.

Síðan fór ég alla leið inn í lyftingar, þar sem ég hef æft kraftlyftingar og strongman og keppt í því líka.

En á endanum fékk ég nóg af því að vera bara sterkur með bumbu. Ég vildi meira en það.

Ég ákvað að taka þetta alla leið og elta markmiðin mín í bodybuilding – verða skorin, massaður og í alvöru formi.

Ég legg mig alltaf 100% fram í því sem ég geri. Engar afsakanir, engin hálf vinna. Það sem íþróttirnar hafa kennt mér tek ég beint inn í þjálfunina.

Áhugi minn á lyftingum og hreyfingu hefur mótað mig og komið mér á þann stað sem ég er í dag.